sach ke auraq pe jhuTon ki kahani likh kar

sach ke aurāq pe jhūToñ kī kahānī likh kar

log haiñ shaad sarāboñ ko bhī paanī likh kar

kyā kahūñ ḳhud ko abhī tak na samajh paa.ī meñ

us ne jānāñ bhī likhā dushman-e-jānī likh kar

ḳhema-e-sabr lagā.e ye mohabbat ke safīr

raat bhar rote rahe tishna-dahānī likh kar

dekhnā phir yahāñ sailāb umaD aa.egā

chāhe to dekh le ashkoñ kī ravānī likh kar

jo ga.e vaqt meñ ḳhush-hāl batātā thā hameñ

aaj baiThā hai vahī ġham kī divānī likh kar

zikr aaya jo mohabbat kā sar-e-bazm 'hirā'

lauT aa.ī maiñ vahāñ dard kā saanī likh kar

sach ke auraq pe jhuTon ki kahani likh kar

log hain shad sarabon ko bhi pani likh kar

kya kahun KHud ko abhi tak na samajh pai mein

us ne jaanan bhi likha dushman-e-jaani likh kar

KHema-e-sabr lagae ye mohabbat ke safir

raat bhar rote rahe tishna-dahani likh kar

dekhna phir yahan sailab umaD aaega

chahe to dekh le ashkon ki rawani likh kar

jo gae waqt mein KHush-haal batata tha hamein

aaj baiTha hai wahi gham ki diwani likh kar

zikr aaya jo mohabbat ka sar-e-bazm 'hira'

lauT aai main wahan dard ka sani likh kar