sad-mubarak ho tumhi ko ye tumhaari duniya

sad-mubārak ho tumhī ko ye tumhārī duniyā

ranj-o-nafrat se bharī pyaar se 'aarī duniyā

ham se taqdīr ke māroñ kā na sochā tum ne

sirf apnī hī sañvārī jo sañvārī duniyā

aap munsif haiñ to insāf se ḳhud hī kah deñ

kyā kabhī aisī bhī hotī thī hamārī duniyā

nazm-e-'ālam huā barham jo bikherīñ zulfeñ

aur gesū jo sañvāre to sañvārī duniyā

kuchh ta'alluq to hameñ bhī hai usī sultāñ se

dar pe aatī hai jahāñ ban ke bhikārī duniyā

ab ki baiThe haiñ tasavvur meñ jo un ke 'sā,dī'

ham ne dīvār pe de maarī hai saarī duniyā

sad-mubarak ho tumhi ko ye tumhaari duniya

ranj-o-nafrat se bhari pyar se 'ari duniya

hum se taqdir ke maron ka na socha tum ne

sirf apni hi sanwari jo sanwari duniya

aap munsif hain to insaf se KHud hi kah den

kya kabhi aisi bhi hoti thi hamari duniya

nazm-e-'alam hua barham jo bikherin zulfen

aur gesu jo sanware to sanwari duniya

kuchh ta'alluq to hamein bhi hai usi sultan se

dar pe aati hai jahan ban ke bhikari duniya

ab ki baiThe hain tasawwur mein jo un ke 'sa,di'

hum ne diwar pe de mari hai sari duniya