sada panw mein beDi hathon mein zanjir dekhi hai

sadā paañv meñ beḌī hāthoñ meñ zanjīr dekhī hai

vafādārān-e-ulfat kī yahī taqdīr dekhī hai

kareñ nauha paḌheñ kyoñ marsiya āh-o-bukā kyoñ ho

vo zinda haiñ unhīñ kī dahr meñ tanvīr dekhī hai

mahal mismār ho kar bhī saqāfat zinda rakhte haiñ

jabīn-e-sang par ham ne yahī tahrīr dekhī hai

sabhī ko zindagī pyārī hai lekin is tarah jiinā

nivāloñ ke liye aksar ġhalat tadbīr dekhī hai

duā.eñ vasl kī māñgī vo aa.e haiñ dam-e-naz.a

ajab taqdīr dekhī hai ajab tāsīr dekhī hai

khulī āñkhoñ se ham ne bhī ḳhushī ke ḳhvāb dekhe the

magar 'monis' bigaḌtī bārhā ta.abīr dekhī hai

sada panw mein beDi hathon mein zanjir dekhi hai

wafadaran-e-ulfat ki yahi taqdir dekhi hai

karen nauha paDhen kyon marsiya aah-o-buka kyon ho

wo zinda hain unhin ki dahr mein tanwir dekhi hai

mahal mismar ho kar bhi saqafat zinda rakhte hain

jabin-e-sang par hum ne yahi tahrir dekhi hai

sabhi ko zindagi pyari hai lekin is tarah jina

niwalon ke liye aksar ghalat tadbir dekhi hai

duaen wasl ki mangi wo aae hain dam-e-naza

ajab taqdir dekhi hai ajab tasir dekhi hai

khuli aankhon se hum ne bhi KHushi ke KHwab dekhe the

magar 'monis' bigaDti barha tabir dekhi hai