sada se muntazir tha kab sada aae dariche se

sadā se muntazir thā kab sadā aa.e darīche se

mirā dam ghuT rahā hai ab havā aa.e darīche se

tire lahje meñ tujh ko hī pukārā hai to mumkin hai

havā ke haath ab terā patā aa.e darīche se

maiñ dil meñ kab talak bār-e-ġham-e-jānāñ liye phirtā

jo us ne dar nahīñ kholā sunā aa.e darīche se

kisī ke hijr kī lazzat baḌhī hai baad muddat ke

kisī kī yaad kā panchhī uḌā aa.e darīche se

faqīroñ ko diye haiñ aaj tere naam par sikke

ki terī zindagī kī phir duā aa.e darīche se

liyā hai ghar tumhāre ghar ke bilkul sāmne kyūñki

sadā aa.e darīche se sadā aa.e darīche se

tirī ummīd par rakkhā thā ik jaltā diyā jānāñ

use bhī aaj ham qasdan bujhā aa.e darīche se

sada se muntazir tha kab sada aae dariche se

mera dam ghuT raha hai ab hawa aae dariche se

tere lahje mein tujh ko hi pukara hai to mumkin hai

hawa ke hath ab tera pata aae dariche se

main dil mein kab talak bar-e-gham-e-jaanan liye phirta

jo us ne dar nahin khola suna aae dariche se

kisi ke hijr ki lazzat baDhi hai baad muddat ke

kisi ki yaad ka panchhi uDa aae dariche se

faqiron ko diye hain aaj tere nam par sikke

ki teri zindagi ki phir dua aae dariche se

liya hai ghar tumhaare ghar ke bilkul samne kyunki

sada aae dariche se sada aae dariche se

teri ummid par rakkha tha ek jalta diya jaanan

use bhi aaj hum qasdan bujha aae dariche se