sadiyon tumhaari yaad mein shamen jalaenge

sadiyoñ tumhārī yaad meñ sham.eñ jalā.eñge

pal bhar ke ba.ad phir bhī tumheñ bhuul jā.eñge

ta.amīr mudda.ā talab-e-zauq ho ga.ī

buniyād-e-dard hogī to dīvār uThā.eñge

ab kāhish-e-junūñ kā koī silsila nahīñ

haañ be-dilī se dast-e-duā bhī uThā.eñge

ai kārvān-e-tez-qadam māñdgāñ ko dekh

āñkhoñ meñ kyā ġhubār-e-sar-e-rah sajā.eñge

likkheñge qahqahoñ se bas ik dāstān-e-dil

us par hadīs-e-dard kā unvāñ jamā.eñge

yūñhī sahī jo garmī-e-bāzār ham se hai

ham bech kar zamīr-e-nazar muskurā.eñge

yā chāk-e-dil ko chāk-e-garebāñ banā sakeñ

yā duḳhtarān-misr se dāman bachā.eñge

kyā raḳhsh-e-umr hīla-e-marg-āshnā nahīñ

uTThegī mauj-e-reg-e-ravāñ Duub jā.eñge

harf-āshnā na hogī koī mauj-e-dard-e-dil

siine pe rakh ke haath magar baiTh jā.eñge

sadiyon tumhaari yaad mein shamen jalaenge

pal bhar ke baad phir bhi tumhein bhul jaenge

tamir muddaa talab-e-zauq ho gai

buniyaad-e-dard hogi to diwar uThaenge

ab kahish-e-junun ka koi silsila nahin

han be-dili se dast-e-dua bhi uThaenge

ai karwan-e-tez-qadam mandgan ko dekh

aankhon mein kya ghubar-e-sar-e-rah sajaenge

likkhenge qahqahon se bas ek dastan-e-dil

us par hadis-e-dard ka unwan jamaenge

yunhi sahi jo garmi-e-bazar hum se hai

hum bech kar zamir-e-nazar muskuraenge

ya chaak-e-dil ko chaak-e-gareban bana saken

ya duKHtaran-misr se daman bachaenge

kya raKHsh-e-umr hila-e-marg-ashna nahin

uTThegi mauj-e-reg-e-rawan Dub jaenge

harf-ashna na hogi koi mauj-e-dard-e-dil

sine pe rakh ke hath magar baiTh jaenge