safar-ba-KHair pa raKHt-e-safar na le jaana
safar-ba-ḳhair pa raḳht-e-safar na le jaanā
zamīñ kī hasrateñ ab chāñd par na le jaanā
vidā.a kī shaam inhī sāhiloñ pe rahne do
uThā ke dasht kahīñ apne ghar na le jaanā
mirī thakī huī zulmat-gurez palkoñ se
kahīñ umīd-e-numūd-e-sahar na le jaanā
matā-e-arz thā dhartī pe lauT aayā hai
kisī ko arsh pe bār-e-digar na le jaanā
ye paas hogā to tum sā talāsh kar lūñgā
chale to ho mirā husn-e-nazar na le jaanā
safar-ba-KHair pa raKHt-e-safar na le jaana
zamin ki hasraten ab chand par na le jaana
widaa ki sham inhi sahilon pe rahne do
uTha ke dasht kahin apne ghar na le jaana
meri thaki hui zulmat-gurez palkon se
kahin umid-e-numud-e-sahar na le jaana
mata-e-arz tha dharti pe lauT aaya hai
kisi ko arsh pe bar-e-digar na le jaana
ye pas hoga to tum sa talash kar lunga
chale to ho mera husn-e-nazar na le jaana
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
