safar bhi dur ka hai rah aashna bhi hain

safar bhī duur kā hai raah āshnā bhī haiñ

chalā udhar ko huuñ jis samt kī havā bhī nahīñ

guzar rahā huuñ qadam rakh ke apnī āñkhoñ par

ga.e dinoñ kī taraf muḌ ke dekhtā bhī nahīñ

mirā vajūd mirī zindagī kī had na sahī

kabhī jo tai hī na ho maiñ vo fāsla bhī nahīñ

fazā meñ phail chalī merī baat kī ḳhushbū

abhī to maiñ ne havāoñ se kuchh kahā bhī nahīñ

samajh rahā huuñ 'muzaffar' use sharīk-e-safar

jo mere saath qadam do qadam chalā bhī nahīñ

safar bhi dur ka hai rah aashna bhi hain

chala udhar ko hun jis samt ki hawa bhi nahin

guzar raha hun qadam rakh ke apni aankhon par

gae dinon ki taraf muD ke dekhta bhi nahin

mera wajud meri zindagi ki had na sahi

kabhi jo tai hi na ho main wo fasla bhi nahin

faza mein phail chali meri baat ki KHushbu

abhi to main ne hawaon se kuchh kaha bhi nahin

samajh raha hun 'muzaffar' use sharik-e-safar

jo mere sath qadam do qadam chala bhi nahin