safar hayat ka ab maut ke sarab mein hai

safar hayāt kā ab maut ke sarāb meñ hai

har ek saañs abhī panja-e-azāb meñ hai

sunātī aa.ī hai duniyā jise azal se vahī

adhūre ishq kā qissa mirī kitāb meñ hai

havā uḌā ke na le jaa.e ye matā-e-hayāt

abhī to band ye ḳhushbū gul-e-habāb meñ hai

ye bojh laad ke maiñ aur kitnī duur chalūñ

sunā hai shahr-e-vafā parda-e-sarāb meñ hai

shab-e-firāq kī tanhā.iyoñ ko Dasne do

ki mahr-e-sub.h abhī mere ro.ab-o-dāb meñ hai

yahī to jazba mujhe qatl-gah meñ le aaya

vo be-naqāb to hogā jo ab naqāb meñ hai

sazā vafāoñ kī dī hai ḳhatā muaaf huī

ye ulTī gintī bhī un ke ajab hisāb meñ hai

savār tausan-e-hastī huuñ is salīqe se

lagām haath meñ 'ārif' na pā rikāb meñ hai

safar hayat ka ab maut ke sarab mein hai

har ek sans abhi panja-e-azab mein hai

sunati aai hai duniya jise azal se wahi

adhure ishq ka qissa meri kitab mein hai

hawa uDa ke na le jae ye mata-e-hayat

abhi to band ye KHushbu gul-e-habab mein hai

ye bojh lad ke main aur kitni dur chalun

suna hai shahr-e-wafa parda-e-sarab mein hai

shab-e-firaq ki tanhaiyon ko Dasne do

ki mahr-e-subh abhi mere roab-o-dab mein hai

yahi to jazba mujhe qatl-gah mein le aaya

wo be-naqab to hoga jo ab naqab mein hai

saza wafaon ki di hai KHata muaf hui

ye ulTi ginti bhi un ke ajab hisab mein hai

sawar tausan-e-hasti hun is saliqe se

lagam hath mein 'arif' na pa rikab mein hai