safar hi karna hai lazim to mat thakan gira

safar hī karnā hai lāzim to mat thakān girā

zamīñ lapeT mire sar pe āsmān girā

mire vujūd ke dīvār-o-dar hilā aur phir

mire ḳhayāl kī had par koī chaTān girā

maiñ shab-gazīda jo kal raat ghar ko lauT aayā

mirā do-zānū pe sar sar pe sā.ebān girā

maiñ bā-nasīb huuñ kitnā ye jaan le tū bhī

ki pahle dhuup tanī mujh pe phir makān girā

maiñ vo faqīr huuñ lafzoñ kā jis ke hāthoñ se

ḳhayāl chhūTā kahīñ chaak par gumān girā

mirī kahānī meñ ai mere kātib-e-tahrīr

tū merā 'ijz bikher aur is kā maan girā

safar hi karna hai lazim to mat thakan gira

zamin lapeT mere sar pe aasman gira

mere wujud ke diwar-o-dar hila aur phir

mere KHayal ki had par koi chaTan gira

main shab-gazida jo kal raat ghar ko lauT aaya

mera do-zanu pe sar sar pe saeban gira

main ba-nasib hun kitna ye jaan le tu bhi

ki pahle dhup tani mujh pe phir makan gira

main wo faqir hun lafzon ka jis ke hathon se

KHayal chhuTa kahin chaak par guman gira

meri kahani mein ai mere katib-e-tahrir

tu mera 'ijz bikher aur is ka man gira