safar ke aaKHiri manzar pe KHak Dalenge

safar ke āḳhirī manzar pe ḳhaak Dāleñge

sab ek roz mire sar pe ḳhaak Dāleñge

hamāre baa'd ye manzil unheñ milegī jo

har ek miil ke patthar pe ḳhaak Dāleñge

abhī talak to muqaddar ne ḳhaak Daalī hai

ham is ke baa'd muqaddar pe ḳhaak Dāleñge

saḌak kī dhuul havāoñ se roz kahtī hai

chalo ki aaj samundar pe ḳhaak Dāleñge

zamīn aise parindoñ ke naaz uThā.egī

jo āsmān kī chādar pe ḳhaak Dāleñge

tamām jism kī miTTī sameT kar 'dānish'

ham ek dhuup ke paikar pe ḳhaak Dāleñge

safar ke aaKHiri manzar pe KHak Dalenge

sab ek roz mere sar pe KHak Dalenge

hamare ba'd ye manzil unhen milegi jo

har ek mil ke patthar pe KHak Dalenge

abhi talak to muqaddar ne KHak Dali hai

hum is ke ba'd muqaddar pe KHak Dalenge

saDak ki dhul hawaon se roz kahti hai

chalo ki aaj samundar pe KHak Dalenge

zamin aise parindon ke naz uThaegi

jo aasman ki chadar pe KHak Dalenge

tamam jism ki miTTi sameT kar 'danish'

hum ek dhup ke paikar pe KHak Dalenge