safar ki sham thakan be-panah thi meri

safar kī shaam thakan be-panāh thī merī

kanār-e-āb-e-ravāñ ḳhema-gāh thī merī

ufuq se rauzan-e-tārīk khīñchtā thā mujhe

maiñ be-charāġh thā aur shab siyāh thī merī

nasheb-e-jāñ meñ utartā huuñ jis kī choTī se

usī pahāḌ pe ik ḳhānqāh thī merī

mirā ye zo'm ki mujh par ravā hai ḳhuuñ us kā

kanīz-e-shoḳh magar be-gunāh thī merī

shikastagī meñ girātā rahā maiñ ḳhisht-ba-ḳhisht

mirā badan thā ki ik sadd-e-rāh thī merī

qadīm aag se ātish-kada kiyā raushan

havā-e-tund baḌī ḳhair-ḳhvāh thī merī

maiñ ek 'umr uThātā rahā sukūt kā bojh

dabī huī mire andar karāh thī merī

safar ki sham thakan be-panah thi meri

kanar-e-ab-e-rawan KHema-gah thi meri

ufuq se rauzan-e-tarik khinchta tha mujhe

main be-charagh tha aur shab siyah thi meri

nasheb-e-jaan mein utarta hun jis ki choTi se

usi pahaD pe ek KHanqah thi meri

mera ye zo'm ki mujh par rawa hai KHun us ka

kaniz-e-shoKH magar be-gunah thi meri

shikastagi mein giraata raha main KHisht-ba-KHisht

mera badan tha ki ek sadd-e-rah thi meri

qadim aag se aatish-kada kiya raushan

hawa-e-tund baDi KHair-KHwah thi meri

main ek 'umr uThata raha sukut ka bojh

dabi hui mere andar karah thi meri