safar ko phir wahin le ja rahe hain

safar ko phir vahīñ le jā rahe haiñ

ḳhutūt un ke unheñ lauTā rahe haiñ

hamārī maut ke kyā fā.ede haiñ

ham apne aap ko samjhā rahe haiñ

kahāñ ke rāhbar kaisī masāfat

hameñ ye log bas Tahlā rahe haiñ

ġhazal sher-o-suḳhan kuchh bhī nahīñ bas

ham apne aap se batlā rahe haiñ

zarā sī baat hai kaisā tamāsha

unheñ jaanā thā aur vo jā rahe haiñ

sitam ye hai ki jis ko chhoḌnā hai

usī ko saath meñ le jā rahe haiñ

ye kah kar jo bhī chāhoge vo hogā

vo apnī baat hī manvā rahe haiñ

vo jo rahte haiñ ik dariyā kināre

vo ham ko tishnagī samjhā rahe haiñ

ujāloñ ke liye kholī thī khiḌkī

magar ghar se añdhere jā rahe haiñ

safar ko phir wahin le ja rahe hain

KHutut un ke unhen lauTa rahe hain

hamari maut ke kya faede hain

hum apne aap ko samjha rahe hain

kahan ke rahbar kaisi masafat

hamein ye log bas Tahla rahe hain

ghazal sher-o-suKHan kuchh bhi nahin bas

hum apne aap se batla rahe hain

zara si baat hai kaisa tamasha

unhen jaana tha aur wo ja rahe hain

sitam ye hai ki jis ko chhoDna hai

usi ko sath mein le ja rahe hain

ye kah kar jo bhi chahoge wo hoga

wo apni baat hi manwa rahe hain

wo jo rahte hain ek dariya kinare

wo hum ko tishnagi samjha rahe hain

ujalon ke liye kholi thi khiDki

magar ghar se andhere ja rahe hain