safar mein hain to hamein yaad baam-o-dar ki hai

safar meñ haiñ to hameñ yaad bām-o-dar kī hai

Thahar ga.e haiñ to phir aarzū safar kī hai

sukūñ se baiThne vaalo ye tum ne sochā bhī

yahāñ ye chhāñv hai lekin ye kis shajar kī hai

mire liye mirī hijrat hī ajr kyā kam hai

maiñ chal rahā huuñ ki har raah mere ghar kī hai

hameñ bhī hai to ḳhabar dhuup chhāñv kī 'at.har'

ki ham ne bhī to koī zindagī basar kī hai

safar mein hain to hamein yaad baam-o-dar ki hai

Thahar gae hain to phir aarzu safar ki hai

sukun se baiThne walo ye tum ne socha bhi

yahan ye chhanw hai lekin ye kis shajar ki hai

mere liye meri hijrat hi ajr kya kam hai

main chal raha hun ki har rah mere ghar ki hai

hamein bhi hai to KHabar dhup chhanw ki 'athar'

ki hum ne bhi to koi zindagi basar ki hai