safar tawil ho aur rahnuma KHarab na ho

safar tavīl ho aur rahnumā ḳharāb na ho

to manziloñ kā kabhī zā.iqa ḳharāb na ho

ham iztirāb meñ haiñ jang kaise ruk jaa.e

tumheñ ye fikr ke bas qā.eda ḳharāb na ho

har ek rang phir us dil ko raas aatā hai

jo dekhne kā agar zāviya ḳharāb na ho

koī bhī naam tire baad ham nahīñ lete

gurez karte haiñ ke zā.iqa ḳharāb na ho

tamām zindagī guzrī ho chāhe jaisī bhī

ye pesh-o-pas hai ke bas ḳhātma ḳharāb na ho

ye soch kar ke kabhī jhuuT bol lete haiñ

har ek shaḳhs se ab rābta ḳharāb na ho

ajiib shaḳhs hai 'irfān' ham se chāhtā hai

ke peḌ kaaT deñ aur ghoñsla ḳharāb na ho

safar tawil ho aur rahnuma KHarab na ho

to manzilon ka kabhi zaiqa KHarab na ho

hum iztirab mein hain jang kaise ruk jae

tumhein ye fikr ke bas qaeda KHarab na ho

har ek rang phir us dil ko ras aata hai

jo dekhne ka agar zawiya KHarab na ho

koi bhi nam tere baad hum nahin lete

gurez karte hain ke zaiqa KHarab na ho

tamam zindagi guzri ho chahe jaisi bhi

ye pesh-o-pas hai ke bas KHatma KHarab na ho

ye soch kar ke kabhi jhuT bol lete hain

har ek shaKHs se ab rabta KHarab na ho

ajib shaKHs hai 'irfan' hum se chahta hai

ke peD kaT den aur ghonsla KHarab na ho