safiran-e-mohabbat pyar ki rahon mein palte hain

safīrān-e-mohabbat pyaar kī rāhoñ meñ palte haiñ

sabhī aish-o-tarab mere tirī bāhoñ meñ palte haiñ

shikasta-dil kā maiñ apne kabhī qissa na chheḌūñgī

sitam to ishq vāloñ kī panah-gāhoñ meñ palte haiñ

mubārak shahr vāloñ ko muzayyan shahr kī raunaq

hamārā kyā qalandar haiñ guzargāhoñ meñ palte haiñ

amīr-e-shahr mat uljho mohabbat ke faqīroñ se

ye bande rab kī rahmat kī sadā chhāñv meñ palte haiñ

abhī tak khul nahīñ paayā irāda yaar kā kyā hai

magar ham kah nahīñ sakte ki ham chhāñv meñ palte haiñ

zamāna saath kab detā hai ranj-o-ġham ke mausam meñ

dil-e-muztar ke sab armān bas aahoñ meñ palte haiñ

ḳhushī kā raaz daulat meñ nihāñ hotā nahīñ 'ushba'

gul-e-shādāb ḳhāroñ kī panah-gāhoñ meñ palte haiñ

safiran-e-mohabbat pyar ki rahon mein palte hain

sabhi aish-o-tarab mere teri bahon mein palte hain

shikasta-dil ka main apne kabhi qissa na chheDungi

sitam to ishq walon ki panah-gahon mein palte hain

mubarak shahr walon ko muzayyan shahr ki raunaq

hamara kya qalandar hain guzargahon mein palte hain

amir-e-shahr mat uljho mohabbat ke faqiron se

ye bande rab ki rahmat ki sada chhanw mein palte hain

abhi tak khul nahin paya irada yar ka kya hai

magar hum kah nahin sakte ki hum chhanw mein palte hain

zamana sath kab deta hai ranj-o-gham ke mausam mein

dil-e-muztar ke sab arman bas aahon mein palte hain

KHushi ka raaz daulat mein nihan hota nahin 'ushba'

gul-e-shadab KHaron ki panah-gahon mein palte hain