sahar hi aai na wo shahid-e-sahar aaya

sahar hī aa.ī na vo shāhid-e-sahar aayā

ġhubār-e-shab kā musāfir hī mere ghar aayā

thakan kī dhuup Dhalī bhī nahīñ thī sar se abhī

azāb-e-hukm-e-safar mujh pe phir utar aayā

diyā jalāte hue haath kāñpte kyuuñ haiñ

kahāñ se ḳhauf badan meñ havā kā dar aayā

ye lamha lamha bikhartī huī anā kā vajūd

na ye zamīn na vo āsmāñ nazar aayā

ridā rahī na badan par koī qabā shādāb

ye kaun dhuup meñ dekho barahna-sar aayā

badan tamām huā hai lahū-luhān mirā

na.ī rutoñ kā musāfir ba-chashm-e-tar aayā

bahut aziiz hai apne vatan kī ḳhaak hameñ

jo ḳhvāb āñkhoñ meñ aayā vo mo'tabar aayā

sahar hi aai na wo shahid-e-sahar aaya

ghubar-e-shab ka musafir hi mere ghar aaya

thakan ki dhup Dhali bhi nahin thi sar se abhi

azab-e-hukm-e-safar mujh pe phir utar aaya

diya jalate hue hath kanpte kyun hain

kahan se KHauf badan mein hawa ka dar aaya

ye lamha lamha bikharti hui ana ka wajud

na ye zamin na wo aasman nazar aaya

rida rahi na badan par koi qaba shadab

ye kaun dhup mein dekho barahna-sar aaya

badan tamam hua hai lahu-luhan mera

nai ruton ka musafir ba-chashm-e-tar aaya

bahut aziz hai apne watan ki KHak hamein

jo KHwab aankhon mein aaya wo mo'tabar aaya