sahar jitegi ya sham-e-ghariban dekhte rahna

sahar jītegī yā shām-e-ġharībāñ dekhte rahnā

ye sar jhukte haiñ yā dīvār-e-zindāñ dekhte rahnā

har ik ahl-e-lahū ne bāzī-e-īmāñ lagā dī hai

jo ab kī baar hogā vo charāġhāñ dekhte rahnā

idhar se mudda.ī guzreñge īqān-e-sharī.at ke

nazar aa jaa.e shāyad koī insāñ dekhte rahnā

use tum log kyā samjhoge jaisā ham samajhte haiñ

magar phir bhī kareñge us se paimāñ dekhte rahnā

samajh meñ aa gayā terī nigāhoñ ke ulajhne par

bharī mahfil meñ sab kā ham ko hairāñ dekhte rahnā

hazāroñ mehrbāñ is rāste par saath ā.eñge

miyāñ ye dil hai ye jeb o garebāñ dekhte rahnā

dabā rakkho ye lahreñ ek din āhista āhista

yahī ban jā.eñgī tamhīd-e-tūfāñ dekhte rahnā

sahar jitegi ya sham-e-ghariban dekhte rahna

ye sar jhukte hain ya diwar-e-zindan dekhte rahna

har ek ahl-e-lahu ne bazi-e-iman laga di hai

jo ab ki bar hoga wo charaghan dekhte rahna

idhar se muddai guzrenge iqan-e-shariat ke

nazar aa jae shayad koi insan dekhte rahna

use tum log kya samjhoge jaisa hum samajhte hain

magar phir bhi karenge us se paiman dekhte rahna

samajh mein aa gaya teri nigahon ke ulajhne par

bhari mahfil mein sab ka hum ko hairan dekhte rahna

hazaron mehrban is raste par sath aaenge

miyan ye dil hai ye jeb o gareban dekhte rahna

daba rakkho ye lahren ek din aahista aahista

yahi ban jaengi tamhid-e-tufan dekhte rahna