sahar mein gum the zamin aasman KHushbu ke

sahar meñ gum the zamīñ āsmān ḳhushbū ke

vo kar rahā thā fazā.el bayān ḳhushbū ke

havā-e-shahr-e-mohabbat mujhe vahīñ le chal

Thahar ga.e haiñ jahāñ kārvān ḳhushbū ke

ḳhushī se jis kī rifāqat meñ khil uThā thā dil

ham aaj tak haiñ usī mehrbān ḳhushbū ke

qadam qadam pe bahāreñ haiñ ham-safar merī

haiñ sar pe sāya-fagan sā.ebān ḳhushbū ke

havā ke rang ke bādal ke haiñ dar-o-dīvār

bane hue haiñ fazā meñ makān ḳhushbū ke

lahū hamārā amānat hasīñ gulāboñ kī

ḳhayāl apne sabhī tarjumān ḳhushbū ke

jo itr-bez banāyā hai apnī mahfil ko

to lafz dhūñDiye shāyān-e-shān ḳhushbū ke

ik aur paḌhiye mahaktī huī ġhazal 'sīmā'

haiñ ahl-e-bazm sabhī qadr-dān ḳhushbū ke

sahar mein gum the zamin aasman KHushbu ke

wo kar raha tha fazael bayan KHushbu ke

hawa-e-shahr-e-mohabbat mujhe wahin le chal

Thahar gae hain jahan karwan KHushbu ke

KHushi se jis ki rifaqat mein khil uTha tha dil

hum aaj tak hain usi mehrban KHushbu ke

qadam qadam pe bahaaren hain ham-safar meri

hain sar pe saya-fagan saeban KHushbu ke

hawa ke rang ke baadal ke hain dar-o-diwar

bane hue hain faza mein makan KHushbu ke

lahu hamara amanat hasin gulabon ki

KHayal apne sabhi tarjuman KHushbu ke

jo itr-bez banaya hai apni mahfil ko

to lafz dhunDiye shayan-e-shan KHushbu ke

ek aur paDhiye mahakti hui ghazal 'sima'

hain ahl-e-bazm sabhi qadr-dan KHushbu ke