sahmi sahmi si rahti hai buDhi man
sahmī sahmī sī rahtī hai būḌhī maañ
apnī baat kahāñ kahtī hai būḌhī maañ
beTe ḳhuub siyāne nikle haiñ us ke
kyā kahnā chup hī rahtī hai būḌhī maañ
apne hī ghar meñ apnoñ ke biich yahāñ
ek parāyā-pan sahtī hai būḌhī maañ
duudh dahī detī thī kal tak bachchoñ ko
aañsū ab piitī rahtī hai būḌhī maañ
apnoñ se jhiḌkī tā'ne sunte sunte
añkhiyoñ se pal pal bahtī hai būḌhī maañ
bojh banī hai ghar meñ phir bhī bachchoñ ko
roz du'ā detī rahtī hai būḌhī maañ
sahmi sahmi si rahti hai buDhi man
apni baat kahan kahti hai buDhi man
beTe KHub siyane nikle hain us ke
kya kahna chup hi rahti hai buDhi man
apne hi ghar mein apnon ke bich yahan
ek paraya-pan sahti hai buDhi man
dudh dahi deti thi kal tak bachchon ko
aansu ab piti rahti hai buDhi man
apnon se jhiDki ta'ne sunte sunte
ankhiyon se pal pal bahti hai buDhi man
bojh bani hai ghar mein phir bhi bachchon ko
roz du'a deti rahti hai buDhi man
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
