sahra ko dekhta hun kabhi apne ghar ko main

sahrā ko dekhtā huuñ kabhī apne ghar ko maiñ

mushkil ye aa paḌī hai ki jā.ūñ kidhar ko maiñ

badle dil-o-nigāh to har shai badal ga.ī

hairat se dekhtā huuñ tire bām-o-dar ko maiñ

ġhairoñ kā jaam bharte ho āñkheñ bachā ke kyoñ

pahchāntā huuñ ḳhuub tumhārī nazar ko maiñ

ab kaisā ġham ki ho chukā idrāk-e-zindagī

muddat huī ki bhuul gayā chārāgar ko maiñ

yuuñ laġhzish-e-qadam ke bahāne hazār the

ilzām de rahā huuñ ḳhud apnī nazar ko maiñ

pahchāntā nahīñ huuñ nuqūsh-e-qadam abhī

har roz dekhtā huuñ tirī rahguzar ko maiñ

'ahmad' ḳhizāñ ke daur meñ khiltā hai gul kahīñ

lā.ūñ kahāñ se DhūñD kar ahl-e-nazar ko maiñ

sahra ko dekhta hun kabhi apne ghar ko main

mushkil ye aa paDi hai ki jaun kidhar ko main

badle dil-o-nigah to har shai badal gai

hairat se dekhta hun tere baam-o-dar ko main

ghairon ka jam bharte ho aankhen bacha ke kyon

pahchanta hun KHub tumhaari nazar ko main

ab kaisa gham ki ho chuka idrak-e-zindagi

muddat hui ki bhul gaya chaaragar ko main

yun laghzish-e-qadam ke bahane hazar the

ilzam de raha hun KHud apni nazar ko main

pahchanta nahin hun nuqush-e-qadam abhi

har roz dekhta hun teri rahguzar ko main

'ahmad' KHizan ke daur mein khilta hai gul kahin

laun kahan se DhunD kar ahl-e-nazar ko main