sahra se dur rahti hai fasl-e-bahaar kyon

sahrā se duur rahtī hai fasl-e-bahār kyoñ

ye jaan kar bhī us ko rahe intizār kyoñ

sangam hai rang-o-bū kā shagufta hai har gulāb

shabnam ko le ke āñkhoñ meñ hai sogvār kyoñ

jab tujh ko jān-o-dil meñ bhī tahlīl kar liyā

phir aa.e lab pe naam tirā baar baar kyoñ

terī vafā pe dil ko bharosa to hai magar

kartā hai phir savāl mujhe e.atibār kyoñ

jab maiñ ne tere paañv pe sar apnā rakh diyā

be-sar ko aise detā hai phir iḳhtiyār kyoñ

hai iztirāb-e-dil bhī agar pyaar kā asar

dete ho phir kabhī kabhī dil ko qarār kyoñ

tujh se udhār māñgī thī āñkhoñ kī raushnī

andhe ko mil sakī na magar rahguzār kyoñ

sahra se dur rahti hai fasl-e-bahaar kyon

ye jaan kar bhi us ko rahe intizar kyon

sangam hai rang-o-bu ka shagufta hai har gulab

shabnam ko le ke aankhon mein hai sogwar kyon

jab tujh ko jaan-o-dil mein bhi tahlil kar liya

phir aae lab pe nam tera bar bar kyon

teri wafa pe dil ko bharosa to hai magar

karta hai phir sawal mujhe eatibar kyon

jab main ne tere panw pe sar apna rakh diya

be-sar ko aise deta hai phir iKHtiyar kyon

hai iztirab-e-dil bhi agar pyar ka asar

dete ho phir kabhi kabhi dil ko qarar kyon

tujh se udhaar mangi thi aankhon ki raushni

andhe ko mil saki na magar rahguzar kyon