sahte rahe wo apni masihaiyon ka dukh

sahte rahe vo apnī masīhā.iyoñ kā dukh

jo zaḳhm jānte rahe purvā.iyoñ kā dukh

sahrā kī ret uḌ chalī bastī kī samt aur

mahfil meñ gūñjtā rahā tanhā.iyoñ kā dukh

bārish meñ rone vaale suhūlat se ro liye

dikhtā kahāñ hai chhāñv meñ parchhā.iyoñ kā dukh

ham ġham-shanās aise madārī kī bhiiḌ the

behtar dikhāyā jis ne tamāshā.iyoñ kā dukh

bistar kī silvaToñ meñ utartā rahā thā sab

tere baġhair lī ga.ī añgḌā.iyoñ kā dukh

sahte rahe wo apni masihaiyon ka dukh

jo zaKHm jaante rahe purwaiyon ka dukh

sahra ki ret uD chali basti ki samt aur

mahfil mein gunjta raha tanhaiyon ka dukh

barish mein rone wale suhulat se ro liye

dikhta kahan hai chhanw mein parchhaiyon ka dukh

hum gham-shanas aise madari ki bhiD the

behtar dikhaya jis ne tamashaiyon ka dukh

bistar ki silwaTon mein utarta raha tha sab

tere baghair li gai angDaiyon ka dukh