sair kahan ki kya kya dekha jo bhi bita haal likho

sair kahāñ kī kyā kyā dekhā jo bhī biitā haal likho

kaise guzrā saal tumhārā ham ko sab ahvāl likho

pahle-pahal jab mulk chhuTā aur des nayā ik dekhā to

kis ko sochā yaad kiyā kyā kyā kyā aa.e ḳhayāl likho

yaad hamārī aa.ī thī yā bhuul ga.e har ahd-e-vafā

vaqt ne kuchh baaqī bhī rakhā yā ho gayā sab pāmāl likho

bāteñ us ne kaisī kī thiiñ kitnā achchhā tum ko lagā

mujh sā behtar kaisā paayā us kī koī misāl likho

zaḳhm jo tum ne ham ko diye the sab haiñ taaza vaise hī

haal tumhārā ab hai kaisā dil kī ḳhalish kā haal likho

sair kahan ki kya kya dekha jo bhi bita haal likho

kaise guzra sal tumhaara hum ko sab ahwal likho

pahle-pahal jab mulk chhuTa aur des naya ek dekha to

kis ko socha yaad kiya kya kya kya aae KHayal likho

yaad hamari aai thi ya bhul gae har ahd-e-wafa

waqt ne kuchh baqi bhi rakha ya ho gaya sab pamal likho

baaten us ne kaisi ki thin kitna achchha tum ko laga

mujh sa behtar kaisa paya us ki koi misal likho

zaKHm jo tum ne hum ko diye the sab hain taza waise hi

haal tumhaara ab hai kaisa dil ki KHalish ka haal likho