saje-sajae hue sabz manzaron se na jaen

saje-sajā.e hue sabz manzaroñ se na jaa.eñ

ḳhudā kare ki ye dariyā kabhī gharoñ se na jaa.eñ

ba-nām-e-ishq-o-havas kuchh na kuchh rahe raushan

kuchh aisā ho ki ye saude kabhī saroñ se na jaa.eñ

fazā-e-dasht-e-tarab-nāk ko davām mile

gulāb ḳhushbū se aur titliyāñ paroñ se na jaa.eñ

zarūratoñ ko ziyāda na kar ḳhudā-e-karīm

nikal ke paañv bahut duur chādaroñ se na jaa.eñ

hurūf-o-nutq kī har anjuman meñ raunaq ho

ḳhayāl ruuTh ke hargiz suḳhan-varoñ se na jaa.eñ

isī tarah saf-e-sayyārgāñ rahe qaa.em

nujūm-o-māh alag apne mahvaroñ se na jaa.eñ

amīr-e-asr se fariyād karnā chāhte haiñ

saroñ ko phoḌne ye log pattharoñ se na jaa.eñ

saje-sajae hue sabz manzaron se na jaen

KHuda kare ki ye dariya kabhi gharon se na jaen

ba-nam-e-ishq-o-hawas kuchh na kuchh rahe raushan

kuchh aisa ho ki ye saude kabhi saron se na jaen

faza-e-dasht-e-tarab-nak ko dawam mile

gulab KHushbu se aur titliyan paron se na jaen

zaruraton ko ziyaada na kar KHuda-e-karim

nikal ke panw bahut dur chadaron se na jaen

huruf-o-nutq ki har anjuman mein raunaq ho

KHayal ruTh ke hargiz suKHan-waron se na jaen

isi tarah saf-e-sayyargan rahe qaem

nujum-o-mah alag apne mahwaron se na jaen

amir-e-asr se fariyaad karna chahte hain

saron ko phoDne ye log pattharon se na jaen