salim dasht-e-tamanna mein kaun hai kis ka

'salīm' dasht-e-tamannā meñ kaun hai kis kā

yahāñ to ishq bhī tanhā hai husn bhī tanhā

bane vo baat ki ahl-e-vafā ke din phir jaa.eñ

mizāj-e-yār kī sūrat badal chale duniyā

uḌā ke le hī ga.iiñ bū-e-pairahan! terā

subuk-ḳhirām havāoñ pe koī bas na chalā

mizāj-e-ishq ho mānūs-e-zindagī itnā

ki misl-e-ḳhalvat-e-mahbūb ho bharī duniyā

misāl-e-sub.h mirī ḳhalvatoñ meñ kaun aayā

vo raushnī hai ki palkeñ jhapak rahī hai fazā

hamīñ pe jab na tavajjoh huī to ham ko kyā

balā se aap kisī ke liye hoñ qahr-o-balā

vo tū hai yaad tirī hai ki merī hasrat hai

ye kaun hai mire siine meñ siskiyāñ letā

kuḌhe to apnī jagah ḳhush rahe to apnī jagah

'salīm' ham ne kisī se na kuchh kahā na sunā

'salim' dasht-e-tamanna mein kaun hai kis ka

yahan to ishq bhi tanha hai husn bhi tanha

bane wo baat ki ahl-e-wafa ke din phir jaen

mizaj-e-yar ki surat badal chale duniya

uDa ke le hi gain bu-e-pairahan! tera

subuk-KHiram hawaon pe koi bas na chala

mizaj-e-ishq ho manus-e-zindagi itna

ki misl-e-KHalwat-e-mahbub ho bhari duniya

misal-e-subh meri KHalwaton mein kaun aaya

wo raushni hai ki palken jhapak rahi hai faza

hamin pe jab na tawajjoh hui to hum ko kya

bala se aap kisi ke liye hon qahr-o-bala

wo tu hai yaad teri hai ki meri hasrat hai

ye kaun hai mere sine mein siskiyan leta

kuDhe to apni jagah KHush rahe to apni jagah

'salim' hum ne kisi se na kuchh kaha na suna