saliqa itna to ai shauq-e-KHush-kalam aae
salīqa itnā to ai shauq-e-ḳhush-kalām aa.e
unhīñ kī baat ho lekin na un kā naam aa.e
ḳhirad bhī gosh-bar-āvāz-e-vaqt thī lekin
payām jitne bhī aa.e junūñ ke naam aa.e
na chal sakā koī merī nigāh-e-shauq ke saath
tumhāre jalve bhī aa.e to chand gaam aa.e
na jaane husn-e-haqīqat kī jalva-gāh se kyuuñ
fasāne jitne bhī aa.e vo nā-tamām aa.e
kisī ne sub.h sañvārī kisī ne shaam apnī
mirī nazar ke ujāle sabhoñ ke kaam aa.e
saliqa itna to ai shauq-e-KHush-kalam aae
unhin ki baat ho lekin na un ka nam aae
KHirad bhi gosh-bar-awaz-e-waqt thi lekin
payam jitne bhi aae junun ke nam aae
na chal saka koi meri nigah-e-shauq ke sath
tumhaare jalwe bhi aae to chand gam aae
na jaane husn-e-haqiqat ki jalwa-gah se kyun
fasane jitne bhi aae wo na-tamam aae
kisi ne subh sanwari kisi ne sham apni
meri nazar ke ujale sabhon ke kaam aae
- Book : Kalam-e-aizaz afzal (Pg. 80)
- Author : Aizaz Afzal
- Publication : Usmania Book Depot
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
