saloni sham ke aangan mein jab do waqt milte hain

salonī shaam ke āñgan meñ jab do vaqt milte haiñ

bhaTakte ham se un sāyoñ meñ kuchh aadhe adhūre haiñ

samundar hai hamāre sāmne maġhrūr-o-ḳhud-sar sā

hameñ ik pul banā kar fāsle sab paar karne haiñ

añdheroñ se ujāloñ tak ujāloñ se añdheroñ tak

sadā gardish hī gardish hai kahāñ jaane vo pahuñche haiñ

zamīñ ke phuul sone aur chāñdī se nahīñ khilte

kisī mehnat kī ḳhushbū se sabhī āñchal mahakte haiñ

vahī haiñ saañp vishkanya ko Das kar pālne vaale

mirī nagrī ko rah rah kar vo ab bhī zahr dete haiñ

har ik ehsās kī pahchān ḳhatt-o-ḳhāl kho baiThī

vo apne aap meñ Duube hue gum-sum se rahte haiñ

saloni sham ke aangan mein jab do waqt milte hain

bhaTakte hum se un sayon mein kuchh aadhe adhure hain

samundar hai hamare samne maghrur-o-KHud-sar sa

hamein ek pul bana kar fasle sab par karne hain

andheron se ujalon tak ujalon se andheron tak

sada gardish hi gardish hai kahan jaane wo pahunche hain

zamin ke phul sone aur chandi se nahin khilte

kisi mehnat ki KHushbu se sabhi aanchal mahakte hain

wahi hain sanp wishkanya ko Das kar palne wale

meri nagri ko rah rah kar wo ab bhi zahr dete hain

har ek ehsas ki pahchan KHatt-o-KHal kho baiThi

wo apne aap mein Dube hue gum-sum se rahte hain