samaat se jab aawazon ka nata Tut jata hai

samā'at se jab āvāzoñ kā naata Tuut jaatā hai

to apne aap meñ insān kitnā Tuut jaatā hai

bharosa TūTne par kis liye afsos karte ho

yahāñ to jism se sāñsoñ kā rishta Tuut jaatā hai

koī hamrāz ham-sāya zarūrī hotā hai yaaro

safar meñ ziist ke insān tanhā Tuut jaatā hai

anā ab chhoḌ do tum aur maiñ bhī chhoḌtā huuñ zid

ye bal paḌte haiñ to har ek dhāgā Tuut jaatā hai

mirā armān merā ḳhvāb merā dil mirā jazba

ḳhafā hone se tere dekh kyā kyā Tuut jaatā hai

maiñ insāñ huuñ agar maiñ Tuut bhī jā.ūñ to hairat kyā

nazar lagne se to be-jān shīsha Tuut jaatā hai

sama'at se jab aawazon ka nata Tut jata hai

to apne aap mein insan kitna Tut jata hai

bharosa TuTne par kis liye afsos karte ho

yahan to jism se sanson ka rishta Tut jata hai

koi hamraaz ham-saya zaruri hota hai yaro

safar mein zist ke insan tanha Tut jata hai

ana ab chhoD do tum aur main bhi chhoDta hun zid

ye bal paDte hain to har ek dhaga Tut jata hai

mera arman mera KHwab mera dil mera jazba

KHafa hone se tere dekh kya kya Tut jata hai

main insan hun agar main Tut bhi jaun to hairat kya

nazar lagne se to be-jaan shisha Tut jata hai