samajh liya hai use tumne apni zat ki had

samajh liyā hai use tum ne apnī zaat kī had

vahī jo merī nazar meñ thī kā.enāt kī had

hudūd-e-vahm se aage gumāñ kī had se pare

amiiq bahr-e-yaqīñ hai rah-e-hayāt kī had

nigāh-e-husn bhī ḳhīra huī haiñ hairat se

bahut hasīn hai zauq-e-jamāliyāt kī had

chhupā rakhā hai safedī ko apne dāman meñ

siyāh kitnī hai apne tasavvurāt kī had

nuqūsh-e-karb ubharne lage haiñ chehre par

use sameT rahī hai ġham-e-hayāt kī had

zamīñ se auj-e-falak tak safar kiyā hai abas

pahuñch se duur hai un kī navāzishāt kī had

vafā ke shahr kī 'jāmī' talāsh hai sab ko

kisī se sar na huī garche ḳhvāhishāt kī had

samajh liya hai use tum ne apni zat ki had

wahi jo meri nazar mein thi kaenat ki had

hudud-e-wahm se aage guman ki had se pare

amiq bahr-e-yaqin hai rah-e-hayat ki had

nigah-e-husn bhi KHira hui hain hairat se

bahut hasin hai zauq-e-jamaliyat ki had

chhupa rakha hai safedi ko apne daman mein

siyah kitni hai apne tasawwuraat ki had

nuqush-e-karb ubharne lage hain chehre par

use sameT rahi hai gham-e-hayat ki had

zamin se auj-e-falak tak safar kiya hai abas

pahunch se dur hai un ki nawazishat ki had

wafa ke shahr ki 'jami' talash hai sab ko

kisi se sar na hui garche KHwahishat ki had