samajh rahe the jise hum ki bewafa hoga

samajh rahe the jise ham ki bevafā hogā

kise ḳhabar thī ki vo aadmī ḳhudā hogā

tumhāre pahle bhī āñkhoñ meñ intizār hī thā

tumhāre baa'd yahī hogā aur kyā hogā

abhī bhī dard sā uThtā hai mujh meñ mumkin hai

zarā sā ishq mirī zaat meñ bachā hogā

maiñ ik charāġh havā meñ jalā ke lauT aayā

phir us ke baa'd na jaane ki kyā huā hogā

yahāñ kī āb-o-havā meñ ajab ḳhamoshī hai

tamām shahr kisī dasht par basā hogā

vahī nazāre vahī log chal yahāñ se chaleñ

fasīl-e-shahr ke bāhar to kuchh nayā hogā

samajh rahe the jise hum ki bewafa hoga

kise KHabar thi ki wo aadmi KHuda hoga

tumhaare pahle bhi aankhon mein intizar hi tha

tumhaare ba'd yahi hoga aur kya hoga

abhi bhi dard sa uThta hai mujh mein mumkin hai

zara sa ishq meri zat mein bacha hoga

main ek charagh hawa mein jala ke lauT aaya

phir us ke ba'd na jaane ki kya hua hoga

yahan ki aab-o-hawa mein ajab KHamoshi hai

tamam shahr kisi dasht par basa hoga

wahi nazare wahi log chal yahan se chalen

fasil-e-shahr ke bahar to kuchh naya hoga