samajh saka koi rone na muskurane se

samajh sakā koī rone na muskurāne se

mirā fasāna judā thā har ik fasāne se

shaguft-e-ḳhār ḳhas-o-barg hai bajā lekin

bahār aa.egī phūloñ ke muskurāne se

guzar rahā hai koī kārvān-e-barq-o-sharār

ilāhī ḳhair ġharīboñ ke āshiyāne se

balā se ek hī sajda ho un ke dar par ho

nasīb jaag bhī saktā hai āzmāne se

zamīñ pe ḳhaak ke zarre qamar nahīñ bante

falak pe chand sitāroñ ke jagmagāne se

har ek she'r kī kāġhaz pe zindagī hai 'jamāl'

milegā kyā tujhe mahfil meñ daad paane se

samajh saka koi rone na muskurane se

mera fasana juda tha har ek fasane se

shaguft-e-KHar KHas-o-barg hai baja lekin

bahaar aaegi phulon ke muskurane se

guzar raha hai koi karwan-e-barq-o-sharar

ilahi KHair gharibon ke aashiyane se

bala se ek hi sajda ho un ke dar par ho

nasib jag bhi sakta hai aazmane se

zamin pe KHak ke zarre qamar nahin bante

falak pe chand sitaron ke jagmagane se

har ek she'r ki kaghaz pe zindagi hai 'jamal'

milega kya tujhe mahfil mein dad pane se