samajhta hai kaun gham ko sahte be-tab ka dukh

samajhtā hai kaun ġham ko sahte be-tāb kā dukh

shabāb ko khā gayā hai Dhalte shabāb kā dukh

zamīr dar dar pe jā ke chāhe de jitnī dastak

koī nahīñ suntā khol ke dar janāb kā dukh

nazar to dilkash haiñ aate saare nazāre lekin

samajhtī haiñ bahtī āñkheñ bahte chanāb kā dukh

kitāb kā rutba ab to pā-posh ko hai hāsil

saḌak kināre mujhe hai biktī kitāb kā dukh

bigāḌ ke mujh ko man hai maa.il najāt ko ab

lagā hai man-pāpī ko gunāh-o-savāb kā dukh

kahīñ to dil meñ ye haal Daale ḳhayāl kal kā

kahīñ use maazī kī hai hālat ḳharāb kā dukh

pahāḌ TuuTā na āsmāñ hī girā 'mudassir'

sarāb-gar hī batā rahā thā sarāb kā dukh

samajhta hai kaun gham ko sahte be-tab ka dukh

shabab ko kha gaya hai Dhalte shabab ka dukh

zamir dar dar pe ja ke chahe de jitni dastak

koi nahin sunta khol ke dar janab ka dukh

nazar to dilkash hain aate sare nazare lekin

samajhti hain bahti aankhen bahte chanab ka dukh

kitab ka rutba ab to pa-posh ko hai hasil

saDak kinare mujhe hai bikti kitab ka dukh

bigaD ke mujh ko man hai mail najat ko ab

laga hai man-papi ko gunah-o-sawab ka dukh

kahin to dil mein ye haal Dale KHayal kal ka

kahin use mazi ki hai haalat KHarab ka dukh

pahaD TuTa na aasman hi gira 'mudassir'

sarab-gar hi bata raha tha sarab ka dukh