sambhla nahin dil tujhse bichhaD kar kai din tak

sambhlā nahīñ dil tujh se bichhaḌ kar ka.ī din tak

maiñ ā.īna thā ban gayā patthar ka.ī din tak

kyā chiiz thī ham rakh ke kahīñ bhuul ga.e haiñ

vo chiiz ki yaad aa.ī na aksar ka.ī din tak

ai shāḳh-e-vafā phir vo parinda nahīñ lauTā

maiñ ghar meñ thā niklā nahīñ bāhar ka.ī din tak

vo bojh ki thī jis se mire sar kī bulandī

vo bojh girā uTh na sakā sar ka.ī din tak

ham ne bhī bahut us ko bhulāne kī duā kī

ham ne bhī bahut dekhā hai ro kar ka.ī din tak

kahte haiñ ki ā.īna bhī dekhā nahīñ us ne

sunte haiñ ki pahnā nahīñ zevar ka.ī din tak

ham taan ke so.e the ki kyuuñ aa.egā vo 'shāz'

detā rahā dastak vo barābar ka.ī din tak

sambhla nahin dil tujh se bichhaD kar kai din tak

main aaina tha ban gaya patthar kai din tak

kya chiz thi hum rakh ke kahin bhul gae hain

wo chiz ki yaad aai na aksar kai din tak

ai shaKH-e-wafa phir wo parinda nahin lauTa

main ghar mein tha nikla nahin bahar kai din tak

wo bojh ki thi jis se mere sar ki bulandi

wo bojh gira uTh na saka sar kai din tak

hum ne bhi bahut us ko bhulane ki dua ki

hum ne bhi bahut dekha hai ro kar kai din tak

kahte hain ki aaina bhi dekha nahin us ne

sunte hain ki pahna nahin zewar kai din tak

hum tan ke soe the ki kyun aaega wo 'shaz'

deta raha dastak wo barabar kai din tak