samundaron ko muhit thi chandni kanwal ki

samundaroñ ko muhīt thī chāñdnī kañval kī

havāoñ kī batriyoñ se kirnoñ kī aañkh chhalkī

kashīd kartā huuñ jugnuoñ kī harārtoñ se

hare farishtoñ kī chob-dārī meñ zau azal kī

lahū charāġhoñ kā munjamid thā girāniyoñ se

paḌāv Daale thī gul ke roġhan meñ dhuup halkī

ye kachche pattoñ pe lahariyā narmiyoñ kī būñdeñ

nihāl karne lagī jigar ko miThās jal kī

lavoñ ke saa.e meñ qissa-ḳhvāñ kī hikāyateñ haiñ

idhar khile gul udhar charāġhoñ kī aañkh Dhalkī

kise thī qudrat ki Dol Daale nazāfatoñ kā

ḳhudā kī chaupahliyoñ pe Dāchī uḌī ġhazal kī

samundaron ko muhit thi chandni kanwal ki

hawaon ki batriyon se kirnon ki aankh chhalki

kashid karta hun jugnuon ki hararton se

hare farishton ki chob-dari mein zau azal ki

lahu charaghon ka munjamid tha giraniyon se

paDaw Dale thi gul ke roghan mein dhup halki

ye kachche patton pe lahariya narmiyon ki bunden

nihaal karne lagi jigar ko miThas jal ki

lawon ke sae mein qissa-KHwan ki hikayaten hain

idhar khile gul udhar charaghon ki aankh Dhalki

kise thi qudrat ki Dol Dale nazafaton ka

KHuda ki chaupahliyon pe Dachi uDi ghazal ki