samundaron mein agar KHalfishaar-e-ab na ho

samundaroñ meñ agar ḳhalfishār-e-āb na ho

saroñ pe sāya-fagan ye ġhubār-e-āb na ho

vo āsmān samajhtā hai apnī āñkhoñ ko

use bhī merī tarah intizār-e-āb na ho

har ek lab pe haiñ naġhmāt ḳhushk-sālī ke

ab is taraf karam-e-be-shumār-e-āb na ho

kahīñ fareb na nikle pukār dariyā kī

ham aab samjhe haiñ jis ko ġhubār-e-āb na ho

phir ehtimām se aa.e haiñ ghir ke abr magar

vo kyā kare ki jise e'tibār-e-āb na ho

siyāh hone lagā hai dayār-e-tishna-labī

ab is maqām se raushan sharār-e-āb na ho

jo ghar se niklā hai paanī kī khoj meñ 'shāhid'

kahīñ vo dafn sar-e-rahguzār aab na ho

samundaron mein agar KHalfishaar-e-ab na ho

saron pe saya-fagan ye ghubar-e-ab na ho

wo aasman samajhta hai apni aankhon ko

use bhi meri tarah intizar-e-ab na ho

har ek lab pe hain naghmat KHushk-sali ke

ab is taraf karam-e-be-shumar-e-ab na ho

kahin fareb na nikle pukar dariya ki

hum aab samjhe hain jis ko ghubar-e-ab na ho

phir ehtimam se aae hain ghir ke abr magar

wo kya kare ki jise e'tibar-e-ab na ho

siyah hone laga hai dayar-e-tishna-labi

ab is maqam se raushan sharar-e-ab na ho

jo ghar se nikla hai pani ki khoj mein 'shahid'

kahin wo dafn sar-e-rahguzar aab na ho