sangin nahin ki taj-mahal marmarin nahin

sañgīñ nahīñ ki tāj-mahal marmarīñ nahīñ

kyā zalzale kā dev bhī zer-e-zamīñ nahīñ

vo din ga.e ki hote the murġhān-e-tar-navāz

ab kaun hai chaman meñ jo ġhuncha-nashīñ nahīñ

kis kā karishma hai ye tanavvo nigāh kā

aisā nahīñ koī jo kisī kā hasīñ nahīñ

ta.avīz mol laa.e haiñ sālosiyāñ se ham

as.hāb-e-e'tiqād haiñ sāhab-yaqīñ nahīñ

chhup-chhup ke vo bhī merī taraf dekhtā hai kyuuñ

inshā kī tarah maiñ to koī nāznīñ nahīñ

murġhān-e-ham-safīr kī umreñ darāz hoñ

merī bhī ik navā hai navā-e-navīñ nahīñ

ai ishq sab ko hai tirī yūrish kā intizār

jo jo qalam-raveñ tire zer-e-nagīñ nahīñ

sangin nahin ki taj-mahal marmarin nahin

kya zalzale ka dew bhi zer-e-zamin nahin

wo din gae ki hote the murghan-e-tar-nawaz

ab kaun hai chaman mein jo ghuncha-nashin nahin

kis ka karishma hai ye tanawwo nigah ka

aisa nahin koi jo kisi ka hasin nahin

tawiz mol lae hain salosiyan se hum

ashab-e-e'tiqad hain sahab-yaqin nahin

chhup-chhup ke wo bhi meri taraf dekhta hai kyun

insha ki tarah main to koi naznin nahin

murghan-e-ham-safir ki umren daraaz hon

meri bhi ek nawa hai nawa-e-nawin nahin

ai ishq sab ko hai teri yurish ka intizar

jo jo qalam-rawen tere zer-e-nagin nahin