sangini-e-haalat se ab Darne laga hun

sangīnī-e-hālāt se ab Darne lagā huuñ

be-bāt sī har baat se ab Darne lagā huuñ

mujh banda-e-nāchīz pe itnā bhī karam kyā

har dam kī mudārāt se ab Darne lagā huuñ

anjāne meñ phir taaza koī gul na khilā de

bahke hue jazbāt se ab Darne lagā huuñ

kyā jaane ye kis shakl meñ kab sāmne aa jaa.eñ

duniyā kī ‘ināyāt se ab Darne lagā huuñ

allāh-re ye kashmakash-e-zīst kā aalam

ḳhud apne ḳhayālāt se ab Darne lagā huuñ

ye ilm kī ifrātī hai yā aql kā fuqdān

bachchoñ ke savālāt se ab Darne lagā huuñ

is khel meñ 'mahfūz' ye āñkheñ na chalī jaa.eñ

maiñ jalvoñ kī bahutāt se ab Darne lagā huuñ

sangini-e-haalat se ab Darne laga hun

be-baat si har baat se ab Darne laga hun

mujh banda-e-nachiz pe itna bhi karam kya

har dam ki mudaraat se ab Darne laga hun

anjaane mein phir taza koi gul na khila de

bahke hue jazbaat se ab Darne laga hun

kya jaane ye kis shakl mein kab samne aa jaen

duniya ki ‘inayat se ab Darne laga hun

allah-re ye kashmakash-e-zist ka aalam

KHud apne KHayalat se ab Darne laga hun

ye ilm ki ifraati hai ya aql ka fuqdan

bachchon ke sawalat se ab Darne laga hun

is khel mein 'mahfuz' ye aankhen na chali jaen

main jalwon ki bahutat se ab Darne laga hun