sankaT mein hai jaan tumhaari basti mein

sankaT meñ hai jaan tumhārī bastī meñ

qātil hai darbān tumhārī bastī meñ

ghuT ghuT kar jiinā paḌtā hai logoñ ko

marnā hai āsān tumhārī bastī meñ

chaubīsoñ ghanTe chaukanne rahte haiñ

dīvāroñ ke kaan tumhārī bastī meñ

maiḳhāne meñ bhiiḌ hamesha rahtī hai

deval haiñ sunsān tumhārī bastī meñ

paas paḌosī bhī ik-dūje se aksar

rahte haiñ anjān tumhārī bastī meñ

sachchā.ī kī pūchh parakh kam hotī hai

biktā hai īmān tumhārī bastī meñ

chintā meñ har shaḳhs dikhā.ī detā hai

ġhā.eb hai muskān tumhārī bastī meñ

laffāzoñ ko dekh adab kī mahfil meñ

shā'ir haiñ hairān tumhārī bastī meñ

Thokī jaatī hai taalī mithyā 'naurang'

hotā hai gungān tumhārī bastī meñ

sankaT mein hai jaan tumhaari basti mein

qatil hai darban tumhaari basti mein

ghuT ghuT kar jina paDta hai logon ko

marna hai aasan tumhaari basti mein

chaubison ghanTe chaukanne rahte hain

diwaron ke kan tumhaari basti mein

maiKHane mein bhiD hamesha rahti hai

dewal hain sunsan tumhaari basti mein

pas paDosi bhi ik-duje se aksar

rahte hain anjaan tumhaari basti mein

sachchai ki puchh parakh kam hoti hai

bikta hai iman tumhaari basti mein

chinta mein har shaKHs dikhai deta hai

ghaeb hai muskan tumhaari basti mein

laffazon ko dekh adab ki mahfil mein

sha'ir hain hairan tumhaari basti mein

Thoki jati hai tali mithya 'naurang'

hota hai gungan tumhaari basti mein