sar-e-bazar sauda ho raha hai

sar-e-bāzār saudā ho rahā hai

lahū paanī se sastā ho rahā hai

havā chalne lagī hai nafratoñ kī

tabhī itnā ḳhasārā ho rahā hai

bulandī meñ hai parcham mulk kā yuuñ

jahāñ meñ naam ūñchā ho rahā hai

ġharīboñ ko milī hai chhat yahāñ pe

suno yaaro dikhāvā ho rahā hai

nazar se duur thā kal tak jahāñ meñ

mohabbat meñ hamārā ho rahā hai

tumhārā kyā hamārā kyā yahāñ pe

sabhī kuchh to dikhāvā ho rahā hai

zuleḳhā sī mohabbat kaun paayā

jo pyāsā hai vo dariyā ho rahā hai

nahīñ suntā kisī kī koī 'āqib'

burā yaaro zamāna ho rahā hai

sar-e-bazar sauda ho raha hai

lahu pani se sasta ho raha hai

hawa chalne lagi hai nafraton ki

tabhi itna KHasara ho raha hai

bulandi mein hai parcham mulk ka yun

jahan mein nam uncha ho raha hai

gharibon ko mili hai chhat yahan pe

suno yaro dikhawa ho raha hai

nazar se dur tha kal tak jahan mein

mohabbat mein hamara ho raha hai

tumhaara kya hamara kya yahan pe

sabhi kuchh to dikhawa ho raha hai

zuleKHa si mohabbat kaun paya

jo pyasa hai wo dariya ho raha hai

nahin sunta kisi ki koi 'aqib'

bura yaro zamana ho raha hai