سر بزم انگلی اٹھانے سے پہلے

سر بزم انگلی اٹھانے سے پہلے

خود آئینہ دیکھو دکھانے سے پہلے

نہ آواز دوں گا ذرا سوچ لے تو

اکیلا مجھے چھوڑ جانے سے پہلے

دعاؤں میں اپنی تو کر مجھ کو شامل

تو میری دعاؤں میں آنے سے پہلے

کیوں کہتا زمانہ دوانہ تمہیں بھی

نہ ملتے اگر اس دوانے سے پہلے

سیاست نے اس کو بچا کر ہی رکھا

وہی آگ لیکن بجھانے سے پہلے

سمجھ لے یہ دنیا بڑی سنگ دل ہے

تبسم لبوں پر سجانے سے پہلے

سمجھ لے غزل کا تو رنگ تغزل

غزل اپنی عرفاںؔ سنانے سے پہلے