sar-e-bazm ungli uThane se pahle

sar-e-bazm uñglī uThāne se pahle

ḳhud ā.īna dekho dikhāne se pahle

na āvāz dūñgā zarā soch le tū

akelā mujhe chhoḌ jaane se pahle

duāoñ meñ apnī tū kar mujh ko shāmil

tū merī duāoñ meñ aane se pahle

kyoñ kahtā zamāna divāna tumheñ bhī

na milte agar is divāne se pahle

siyāsat ne us ko bachā kar hī rakkhā

vahī aag lekin bujhāne se pahle

samajh le ye duniyā baḌī sang-dil hai

tabassum laboñ par sajāne se pahle

samajh le ġhazal kā tū rang-e-taġhazzul

ġhazal apnī 'irfāñ' sunāne se pahle

sar-e-bazm ungli uThane se pahle

KHud aaina dekho dikhane se pahle

na aawaz dunga zara soch le tu

akela mujhe chhoD jaane se pahle

duaon mein apni tu kar mujh ko shamil

tu meri duaon mein aane se pahle

kyon kahta zamana diwana tumhein bhi

na milte agar is diwane se pahle

siyasat ne us ko bacha kar hi rakkha

wahi aag lekin bujhane se pahle

samajh le ye duniya baDi sang-dil hai

tabassum labon par sajaane se pahle

samajh le ghazal ka tu rang-e-taghazzul

ghazal apni 'irfan' sunane se pahle