sar-e-mahfil tamasha ho gaya hai

sar-e-mahfil tamāshā ho gayā hai

dil-e-betāb rusvā ho gayā hai

na thī kuchh aabrū āñkhoñ meñ jis kī

vo qatra aaj dariyā ho gayā hai

liye phirtā thā dāman meñ qayāmat

tujhe dīvāne ab kyā ho gayā hai

ruḳh-e-tābāñ ko tere jab bhī dekhā

nazar se chāñd mailā ho gayā hai

jahāñ sūraj ugā kartā thā aksar

usī ghar meñ añdherā ho gayā hai

kiyā hai jo adā us āstāñ par

vahī maqbūl sajda ho gayā hai

shuā-e-fikr kī tābāniyoñ se

nazar meñ husn paidā ho gayā hai

yahāñ 'mas.ūd' ik muddat se ab to

ḳhayāl-e-yār tanhā ho gayā hai

sar-e-mahfil tamasha ho gaya hai

dil-e-betab ruswa ho gaya hai

na thi kuchh aabru aankhon mein jis ki

wo qatra aaj dariya ho gaya hai

liye phirta tha daman mein qayamat

tujhe diwane ab kya ho gaya hai

ruKH-e-taban ko tere jab bhi dekha

nazar se chand maila ho gaya hai

jahan suraj uga karta tha aksar

usi ghar mein andhera ho gaya hai

kiya hai jo ada us aastan par

wahi maqbul sajda ho gaya hai

shua-e-fikr ki tabaniyon se

nazar mein husn paida ho gaya hai

yahan 'masud' ek muddat se ab to

KHayal-e-yar tanha ho gaya hai