sar-e-sahra shajar nikal aaen
sar-e-sahrā shajar nikal aa.eñ
kuchh to ahl-e-hunar nikal aa.eñ
vo kahāñ ghoñsloñ meñ rahte haiñ
jin parindoñ ke par nikal aa.eñ
ḳhuun boyā gayā zamīnoñ meñ
ain mumkin hai sar nikal aa.eñ
kitnī saffāk hoñgī dīvāreñ
soch gar in meñ dar nikal aa.eñ
vo bhaTakte raheñge jīvan bhar
ghar se jo bhuul kar nikal aa.eñ
vaqt hai raushnī banāne kā
ab to ahl-e-hunar nikal aa.eñ
shahr se zulmateñ miTānī haiñ
shahr ke ahl-e-zar nikal aa.eñ
vā.iz-e-shahr ne kahā 'ābid'
aao phailā ke shar nikal aa.eñ
sar-e-sahra shajar nikal aaen
kuchh to ahl-e-hunar nikal aaen
wo kahan ghonslon mein rahte hain
jin parindon ke par nikal aaen
KHun boya gaya zaminon mein
ain mumkin hai sar nikal aaen
kitni saffak hongi diwaren
soch gar in mein dar nikal aaen
wo bhaTakte rahenge jiwan bhar
ghar se jo bhul kar nikal aaen
waqt hai raushni banane ka
ab to ahl-e-hunar nikal aaen
shahr se zulmaten miTani hain
shahr ke ahl-e-zar nikal aaen
waiz-e-shahr ne kaha 'abid'
aao phaila ke shar nikal aaen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
