sar-e-turbat kahin ek husn ki taswir dekhi hai

sar-e-turbat kahīñ ik husn kī tasvīr dekhī hai

are o marne vaale yuuñ tirī taqdīr dekhī hai

sulagtī aag ke dariyā kiye tai Duub kar maiñ ne

taḌaptī zindagī se bāzī-e-shamshīr dekhī hai

na bahlā.eñ mujhe ab jhūTe va.adoñ se mire rahbar

bahut kuchh aaj tak un kī rah-e-tadbīr dekhī hai

pahāḌoñ ko hilā de munqalib kar de zamānoñ ko

nazar ne vo sadā-e-halqa-e-zanjīr dekhī hai

banā de mujh se jaise nā-balad ko bhī jo ik shā.ir

vo maiñ ne hazrat-e-'maḳhmūr' meñ tāsīr dekhī hai

ġharībī muflisī bechārgī ġham kī hirāsānī

ba-andāz-e-jalī har samt ye tahrīr dekhī hai

jo aahan mom kar de aur patthar ko bhī pighlā de

janāb-e-'zabt' kī bātoñ meñ vo tāsīr dekhī hai

sar-e-turbat kahin ek husn ki taswir dekhi hai

are o marne wale yun teri taqdir dekhi hai

sulagti aag ke dariya kiye tai Dub kar main ne

taDapti zindagi se bazi-e-shamshir dekhi hai

na bahlaen mujhe ab jhuTe wadon se mere rahbar

bahut kuchh aaj tak un ki rah-e-tadbir dekhi hai

pahaDon ko hila de munqalib kar de zamanon ko

nazar ne wo sada-e-halqa-e-zanjir dekhi hai

bana de mujh se jaise na-balad ko bhi jo ek shair

wo main ne hazrat-e-'maKHmur' mein tasir dekhi hai

gharibi muflisi bechaargi gham ki hirasani

ba-andaz-e-jali har samt ye tahrir dekhi hai

jo aahan mom kar de aur patthar ko bhi pighla de

janab-e-'zabt' ki baaton mein wo tasir dekhi hai