sar kaT ke kar dijiye qatil ke hawale

sar kaaT ke kar dījiye qātil ke havāle

himmat mirī kahtī hai ki ehsān-e-balā le

har qatra-e-ḳhūñ soz-e-darūñ se hai ik aḳhgar

jallād kī talvār meñ paḌ jā.eñge chhāle

nādān na ho aql atā kī hai ḳhudā ne

yūsuf kī tarah tum ko koī bech na Daale

hastī kī asīrī se sharar se haiñ sivā tañg

chhūTe to idhar phir ke nahīñ dekhne vaale

sālik ko yahī jaade se āvāz hai aatī

pāmāl jo ho raah vo manzil kī nikāle

sayyād chaman hī meñ kare murġh-e-chaman zab.h

labrez lahū se hī daraḳhtoñ ke hoñ thāle

sar kaT ke kar dijiye qatil ke hawale

himmat meri kahti hai ki ehsan-e-bala le

har qatra-e-KHun soz-e-darun se hai ek aKHgar

jallad ki talwar mein paD jaenge chhaale

nadan na ho aql ata ki hai KHuda ne

yusuf ki tarah tum ko koi bech na Dale

hasti ki asiri se sharar se hain siwa tang

chhuTe to idhar phir ke nahin dekhne wale

salik ko yahi jade se aawaz hai aati

pamal jo ho rah wo manzil ki nikale

sayyaad chaman hi mein kare murgh-e-chaman zabh

labrez lahu se hi daraKHton ke hon thaale