sar ko aawaz se wahshat hi sahi

sar ko āvāz se vahshat hī sahī

aur vahshat meñ aziyyat hī sahī

ḳhāk-zādī tire ushshāq bahut

maiñ tirī yaad se ġhārat hī sahī

vo kahāñ haiñ ki jo maslūb na the

merī miTTī meñ baġhāvat hī sahī

āh-o-āhañg-o-ihānat ke kanār

ai mirī pyaas pe tohmat hī sahī

ḳhud se mīsāq ġhalat thā merā

ai tire ḳhvāb zarūrat hī sahī

ishq ai ishq azādār huuñ maiñ

dosh pe bār-e-hazīmat hī sahī

phir kisī ḳhvāb kī bai.at kar leñ

phir kisī dukh kī tilāvat hī sahī

ek ḳhvāhish ki jise sīñch sakeñ

rā.igānī kī riyāzat hī sahī

ham se kuchh aur to kyā honā hai

ik tire ġham kī hifāzat hī sahī

lauTte haiñ ki bulātā hai koī

bārish-e-sañg-e-malāmat hī sahī

TūTte haiñ ki nasha TūTtā hai

ḳhud se milne meñ aziyyat hī sahī

ab kisī aur kī ḳhvāhish hī kahāñ

ab tire hijr se fursat hī sahī

kāġhzī shahr uḌe jaate haiñ vo

āsmānoñ kī rifāqat hī sahī

sar ko aawaz se wahshat hi sahi

aur wahshat mein aziyyat hi sahi

KHak-zadi tere ushshaq bahut

main teri yaad se ghaarat hi sahi

wo kahan hain ki jo maslub na the

meri miTTi mein baghawat hi sahi

aah-o-ahang-o-ihanat ke kanar

ai meri pyas pe tohmat hi sahi

KHud se misaq ghalat tha mera

ai tere KHwab zarurat hi sahi

ishq ai ishq azadar hun main

dosh pe bar-e-hazimat hi sahi

phir kisi KHwab ki baiat kar len

phir kisi dukh ki tilawat hi sahi

ek KHwahish ki jise sinch saken

raigani ki riyazat hi sahi

hum se kuchh aur to kya hona hai

ek tere gham ki hifazat hi sahi

lauTte hain ki bulata hai koi

barish-e-sang-e-malamat hi sahi

TuTte hain ki nasha TuTta hai

KHud se milne mein aziyyat hi sahi

ab kisi aur ki KHwahish hi kahan

ab tere hijr se fursat hi sahi

kaghzi shahr uDe jate hain wo

aasmanon ki rifaqat hi sahi