sar ko tan se mere juda kije

sar ko tan se mire judā kiije

ye bhī jhagḌā hai faisla kiije

mujh pe tohmat sanam-parastī kī

shaiḳh sāhab ḳhudā ḳhudā kiije

laal ko us ke lab se kyā nisbat

ye bhī ik baat hai sunā kiije

lo vo aate haiñ jald hazrat-e-dil

fikr-e-sabr-e-gurez-pā kiije

ham ġhanīmat usī ko samjheñge

lo vafā vāda-e-jafā kiije

apnā kiina banūñ ki yād-e-raqīb

kis tarah us ke dil meñ jā kiije

yaañ to matlab hī kuchh nahīñ rakhte

jo kisī se kaheñ ravā kiije

mudda.ī ghaat hī meñ rahte haiñ

kyuuñ ki vaañ arz-e-mudda.ā kiije

dukh jo 'majrūh' ne sahe ġham se

us kā kyā sharh-e-mājrā kiije

mar gayā vo pa yaad aatā hai

us kā kahnā ki aah kyā kiije

saḳht mushkil hai yaar kā khulnā

ye girah kis tarah se vā kiije

sabr ke fā.ede bahut haiñ vale

dil hī bas meñ na ho to kyā kiije

ġhair kī pāsbāñ kī darbāñ kī

kis kī jā jā ke iltijā kiije

us kī vo aañkh ab nahīñ 'majrūh'

jald kuchh apnā sūjhtā kiije

sar ko tan se mere juda kije

ye bhi jhagDa hai faisla kije

mujh pe tohmat sanam-parasti ki

shaiKH sahab KHuda KHuda kije

lal ko us ke lab se kya nisbat

ye bhi ek baat hai suna kije

lo wo aate hain jald hazrat-e-dil

fikr-e-sabr-e-gurez-pa kije

hum ghanimat usi ko samjhenge

lo wafa wada-e-jafa kije

apna kina banun ki yaad-e-raqib

kis tarah us ke dil mein ja kije

yan to matlab hi kuchh nahin rakhte

jo kisi se kahen rawa kije

muddai ghat hi mein rahte hain

kyun ki wan arz-e-muddaa kije

dukh jo 'majruh' ne sahe gham se

us ka kya sharh-e-majra kije

mar gaya wo pa yaad aata hai

us ka kahna ki aah kya kije

saKHt mushkil hai yar ka khulna

ye girah kis tarah se wa kije

sabr ke faede bahut hain wale

dil hi bas mein na ho to kya kije

ghair ki pasban ki darban ki

kis ki ja ja ke iltija kije

us ki wo aankh ab nahin 'majruh'

jald kuchh apna sujhta kije