sar pe dastar rakhe hath mein kasa rakkhe

sar pe dastār rakhe haath meñ kaasa rakkhe

kaun ab jaan pe apnī ye tamāsha rakkhe

koī dariyā na bujhā paayā mirī tishna-labī

ab koī laa.e mire hoñToñ pe sahrā rakkhe

is ko Thukrā duuñ agar sar pe biThā legī mujhe

maiñ jo phirtā huuñ abhī sar pe ye duniyā rakhe

ek muddat se nahīñ dekhā hai chehra un kā

ek muddat se hai āñkheñ mirī roza rakhe

is se kam par kabhī raazī nahīñ hote māshūq

ishq jo dil meñ rakhe sar kā bhī saudā rakkhe

bevafā se bhī nibhā.e koī kab tak 'dānish'

sabr bhī rakkhe to āḳhir koī kitnā rakkhe

sar pe dastar rakhe hath mein kasa rakkhe

kaun ab jaan pe apni ye tamasha rakkhe

koi dariya na bujha paya meri tishna-labi

ab koi lae mere honTon pe sahra rakkhe

is ko Thukra dun agar sar pe biTha legi mujhe

main jo phirta hun abhi sar pe ye duniya rakhe

ek muddat se nahin dekha hai chehra un ka

ek muddat se hai aankhen meri roza rakhe

is se kam par kabhi raazi nahin hote mashuq

ishq jo dil mein rakhe sar ka bhi sauda rakkhe

bewafa se bhi nibhae koi kab tak 'danish'

sabr bhi rakkhe to aaKHir koi kitna rakkhe