sar pe suraj ho magar saya na ho aisa na tha

sar pe sūraj ho magar saaya na ho aisā na thā

pahle bhī tanhā thā lekin is qadar tanhā na thā

vo to ye kahiye ġham-e-daurāñ ne rakh lī aabrū

varna dil kī baat thī kuchh khel bachchoñ kā na thā

bach ke tūfāñ se nikal aayā to hairānī hai kyuuñ

go safīna Dūbtā thā hausla TuuTā na thā

aap aa.e to yaqīñ karnā paḌā varna yahāñ

raat ko sūraj kabhī aflāk par niklā na thā

shahr-e-dillī ā.īna-ḳhāna hai lekin ai 'atā'

jaal to ḳhush-fahmiyoñ kā aap ko bunñā na thā

sar pe suraj ho magar saya na ho aisa na tha

pahle bhi tanha tha lekin is qadar tanha na tha

wo to ye kahiye gham-e-dauran ne rakh li aabru

warna dil ki baat thi kuchh khel bachchon ka na tha

bach ke tufan se nikal aaya to hairani hai kyun

go safina Dubta tha hausla TuTa na tha

aap aae to yaqin karna paDa warna yahan

raat ko suraj kabhi aflak par nikla na tha

shahr-e-dilli aaina-KHana hai lekin ai 'ata'

jal to KHush-fahmiyon ka aap ko bunna na tha