sar tan se bekason ke juda kar diye gae

sar tan se bekasoñ ke judā kar diye ga.e

tohfe meñ is sadī ko 'atā kar diye ga.e

le kar maiñ zindagī ke vasā.il ko kyā karūñ

asbāb har ḳhushī ke fanā kar diye ga.e

fasl-e-bahār ḳhatm huī aa.ī jab ḳhizāñ

panchhī jo qaid meñ the rihā kar diye ga.e

qaa.em jahāñ meñ urdu zabāñ kā vaqār hai

aslāf zulmatoñ meñ jilā kar diye ga.e

raushan jo ittihād ke asbāq the 'adīm'

tārīḳh se vo lafz judā kar diye ga.e

sar tan se bekason ke juda kar diye gae

tohfe mein is sadi ko 'ata kar diye gae

le kar main zindagi ke wasail ko kya karun

asbab har KHushi ke fana kar diye gae

fasl-e-bahaar KHatm hui aai jab KHizan

panchhi jo qaid mein the riha kar diye gae

qaem jahan mein urdu zaban ka waqar hai

aslaf zulmaton mein jila kar diye gae

raushan jo ittihad ke asbaq the 'adim'

tariKH se wo lafz juda kar diye gae